2011, ഓഗസ്റ്റ് 6, ശനിയാഴ്‌ച

പ്രണയം/കരിങ്ങന്നൂര്‍ ശ്രീകുമാര്‍


 
കഥ/കരിങ്ങന്നൂര്‍ ശ്രീകുമാര്‍ 
പ്രണയം
പ്രണയം കണ്ണാടിയാണ് .നോക്കിയിരിക്കെ അത് കുറെ ഓര്‍മകളെ തരും...
ചവച്ചു തുപ്പിയ എച്ചിലും, കറിവേപ്പിലയും, കടുക് വറുത്തതും അടിഞ്ഞ്‌ അടുക്കള സിങ്കില്‍ അഴുക്കുവെള്ളം നിറഞ്ഞു. മീതെ എണ്ണ പാടകെട്ടി പല നിറങ്ങളില്‍ മിനുങ്ങി. 
ഒരാന്തലോടെ പെണ്ണ് നിലവിളിച്ചു. 
അടുപ്പില്‍ പ്രണയം പുകഞ്ഞു നീറി. 
അടുക്കള നിറഞ്ഞ്‌ പെണ്ണ് ആളിയെരിയാന്‍ തുടങ്ങി.

2011, ഓഗസ്റ്റ് 1, തിങ്കളാഴ്‌ച

മിനറല്‍ ജീവജലം തരുമോ...

കഥ / എസ്.ശ്രീകുമാര്‍ കരിങ്ങന്നൂര്‍ 

മിനറല്‍ ജീവജലം തരുമോ...
അഹിതേ...
അങ്ങനെയാണ് ഭംഗി.
വ്രണിതേ, പരാജിതേ, പതിതേ
കുത്തുന്ന നീറ്റത്തിനു മീതെ അങ്ങനെയങ്ങനെ
ചിലപ്പോഴൊക്കെ ഞാന്‍  ഉപ്പുമഴയായീ ചാറി നിന്നുപോവും.
വയറുവരെ കത്തി വരളുന്നുണ്ടെങ്കിലും,
നാവ്  താണുപോയെങ്കിലും....
ഇവിടെ ഞാനുണ്ട് .
പ്രണയ സ്ഥൈര്യത്തോടെ ..........
ഇത്തിരി മിനറല്‍ ജീവജലം തരുമോ...